MSh-ja ka pranuar një automjet mjekësor nga KFOR-i italian

Ministria e Shëndetësisë pranoi sot një automjet mjekësor, që është donacion nga forcat italiane që shërbejnë në kuadër të forcës paqeruajtëse të KFOR-it në Kosovë.

Ministri i Shëndetësisë i Republikës së Kosovës, Rifat Latifi falënderoi KFOR-in italian për angazhimin e tyre për ruajtjen e paqes në Kosovë, donacionin e dhënë sot si dhe kontributin e vazhduar për shëndetësinë e Kosovës.

MSh pranon një automjet mjekësor, donacion nga forcat italiane

 

 

“Është një ditë shumë e mirë për ne, ngase miqtë tanë nga KFOR-i italian kanë vendosur të na dhurojnë një automjet mjekësor. Jam i nderuar të pranoj këtë donacion të nevojshëm që do ta modernizojë flotën e shërbimeve shëndetësore në Kosovë”, ka thënë Ministri Latifi.

Ai falënderoi edhe zëvendësambasadorin e Italisë në Kosovë, Ugo Ferrero, po ashtu i pranishëm në këtë ceremoni, për bashkëpunimin për të shtyrë para programin e trajnimeve për profesionistët mjekësorë të Kosovës në fushën e kirurgjisë dhe kardiokirurgjisë së fëmijëve.

Zëvendëskomandanti i KFOR-it,  Gjeneral Luigi Piperni tha se në fund të bashkëpunimit intensiv me institucionet e Kosovës, donacioni i sotëm është shenjë e një investimi të rëndësishëm në mbarë sistemin shëndetësor të Kosovës.

 

“Ky mjet do ta bëjë edhe më efikas shërbimin aktual të urgjencës mjekësore. Duke përforcuar kapacitetet ekzistuese të Ministrisë së Shëndetësisë, do të rrisë aftësitë e reagimit ndaj emergjencave, si nga pikëpamja funksionale, ashtu edhe nga ajo teknologjike, me qëllimin përfundimtar për të ofruar një përfitim të prekshëm për të gjitha komunitetet që jetojnë në Kosovë”, ka thënë gjenerali Piperni.

Ai, gjithashtu, ka shprehur mirënjohjen për kontribuesit për suksesin e projektit.

Shija e redaktorit

Bujar Osmani, kandidat i BDI-së për president në Maqedoninë e...

Kryetari i Bashkimit Demokratik për Integrim, Ali Ahmeti, ka bërë të ditur se Bujar Osmani do të jetë kandidati i partisë së tij në...

Komandanti i Gardës së Ajova-s bashkë me gjenerallejtënant Jashari shohin...

Komandanti i Forcës së Sigurisë së Kosovës (FSK), gjenerallejtënant Bashkim Jashari, së bashku me komandantin e Gardës së Ajova-s, gjeneral major Stephen E. Osborn,...

Kreshnikët e Shalës së Bajgorës

Ulërima e 300 spartanëve dhe mbretit Lenoidhas, i trimërohet e me cinizëm i buzëqesh vdekjes, tash e 2500 vjet. Shaljanët, mund të kenë dëgjuar për...

Të fundit nga rubrika