Musmurati: Emërimi i drejtorëve në shkolla do të bëhet në bashkëpunim me Ambasadën Britanike

Drejtoresha e Arsimit në Komunën e Prishtinës, Besianë Musmurati, ka njoftuar se me iniciativën e komunës, zëvendësdrejtorët dhe drejtorët e shkollave të kryeqytetit do të emërohen në bashkëpunim me Ambasadën Britanike në Kosovë.

Komuna e Prishtinës po planifikon t’i japë fund punësimeve politike në sektorin e arsimit në këtë komunë.

Të paktën kështu është shprehur Drejtoresha e Arsimit në Komunën e Prishtinës, Besianë Musmurati.

Ajo në një postim në Facebook, ka shkruar se kanë filluar iniciativën që drejtorët dhe zëvendësdrejtorët e shkollave të kryeqytetit të përzgjidhen në bashkëpunim me Ambasadën Britanike në Kosovë.

“Do t’iu japim fund punësimeve partiake në shkollat e Prishtinës! Jam e lumtur që për herë të parë në historinë e Komunës së Prishtinës, me kërkesën dhe iniciativën e Drejtorisë së Arsimit, drejtorët dhe zëvendës-drejtorët e shkollave tona do të përzgjedhen në bashkëpunim me Ambasadën Britanike në Kosovë. Me këtë, ne do të vendosim një vijë të qartë mes qeverisjes sonë në shërbim të qytetarëve dhe qeverisjeve të kaluara”, ka shkruar ajo në Facebook.

Besianë Musmurati, drejtoreshë e arsimit në Komunën e Prishtinës

Musmurati ka theksuar se përmes kësaj iniciative të tyre, synojnë që emërimi i zëvendësdrejtorëve dhe drejtorëve të shkollave të jetë sa më transparent dhe gjithëpërfshirës.

Sipas saj, punësimet jomeritore do t’i takojnë së kaluarës

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika