Nait Hasani flet për herë të parë për bashkëshorten e tij, ish-ushtaren e UÇK-së

Sipas Nait Hasanit, bashkëshortja e tij ka qënë pjesëtarja e parë e Ushtrisë Çlirimtare të Kosovës dhe se ajo kishte filluar aktivitetin prej kohësh për çlirimin e vendit

Nait Hasani, një ndër veprimtarët e Lëvizjes Çlirimtare të Kosovës dhe ish i burgosur politik, dëshmitar i masakrës së Dubravës, në një intervistë për RTV Dukagjinin në emisionin ”Personale” ka rrëfyer pak edhe për jetën e tij personale.

Ai nuk ka qenë i vetmi që ka dhënë kontribut për çlirimin e vendit.

Që nga viti 1994, detyrat të cilat atyre iu janë dashur si ilegale në qytetin e Prishtinës, para luftës apo më saktë para se të arrestohej Hasani, ishte edhe bashkëshortja e tij, ajo që kishte zhvilluar aktivitete në Prishtinë së bashku me Xheladin Gashi, Sokolin dhe Rexhep Selimin.

“Lidhjet që i kemi pasur ose bajtjen e posteve apo bajtjen e armëve ose plumbave dhe të gjitha që iu janë dashur njësiteve tona”, është shprehur Hasani.

Sipas Hasanit, pas arrestimit të tij, bashkëshortja kishte dalë ilegalisht dhe ishte takuar me Rexhep Selimin, Xheladin Gashin dhe me disa të tjerë, ku kishte qëndruar te disa kushërinj në qytetin e Prizrenit, dhe një kohë edhe në fshat, pastaj ishte kthyer në Drenicë.

Kufirin e Kosovës e kishte kaluar bashkë me Kadri Veselin, Hashim Thaçin dhe Xheladin Gashin, ku për një kohë ishin transferuar në Shqipëri dhe pastaj ishin zhvendosur nga aty në shtetin gjerman. Pas një kohe, kthimi i tyre ishte bërë në Tropojë, ku bashkëshortja e tij ishte angazhuar në mobilizim të detyrave logjistike së bashku me Gashin.

“Ka tentuar të hyjë në Kosovë nuk e kanë lejuar, Azem Syla dhe Rexhep Selimi nuk e kanë lejuar për shkak se une isha në burg, dhe ajo ka shërbyer atje deri sa ka përfunduar lufta”, ka thënë Hasani.

“Pas përfundimit të luftës, angazhimi i saj ka qenë në administratën e punëve të brendshme”.

Sipas Hasanit, në Ushtrinë Çlirimtare të Kosovës, bashkëshortja e tij ishte femra e parë e angazhuar, pastaj ishin angazhuar edhe femra të tjera.

Shija e redaktorit

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Osmani: Historia e nënë Ferdonijes duhet të shërbejë si kujtesë...

Presidentja e Kosovës, Vjosa Osmani, ka folur mbi historinë e nënës Ferdonije Çerkezi, e cila ka humbur katër djemtë e saj dhe bashkëshortin gjatë...

Të fundit nga rubrika