“Nata e Zjarreve” është një traditë që përkujton luftën e familjes së Adem Jasharit për lirinë e Kosovës, apo më saktësisht, rezistencën e tyre, ndaj regjimit të ish-kasapit të Ballkanit Sllobodan Millishoviq-it.
Të martën e 7 marsit duke nisur nga ora 18:00 do të fillojë ndezja e flakadanëve në Prekaz dhe kështu do të përmbyllet dita e tretë e manifestimit gjithëpopullor për Epopenë e UÇK-së.
Përveç në Skenderaj, edhe në Prishtinë do të ndizen flakadanët e lirisë nga kryetari Komunës së Prishtinës, Përparim Rama.
“Nata e Zjarreve” do të mbahet edhe në Prishtinë. Ky është viti i dytë që kryeqyteti e shënon Epopenë e UÇK-së, për të vazhduar kështu traditën e përkujtimit të luftës dhe sakrificës së njerëzve tanë për liri”, ka njoftuar Komuna e Prishtinës.