Sipas rezultateve preliminare të Komisionit Zgjedhor, Natasha Pirc Musar është zgjedhur presidente e Sllovenisë, të dielën e 13 nëntorit, duke marrë 53.89 për qind të votave.
Siç raporton “Rtvslo”, Musar është bërë presidentja e parë grua në Slloveni, duke e lënë pas kundërkandidatin e saj, Anzhe Logar, me 46.11 për qind të votave.
Krerët e Kosovës tashmë ia kanë uruar fitoren presidentes Musar, ani pse ende nuk ka përfunduar numërimi i votave.
Presidentja e Kosovës, Vjosa Osmani, teksa i ka uruar fitoren presidentes së re sllovene, ka thënë se “mezi pres të punoj ngushtë me ju për të ndërtuar partneritetin e palëkundur Kosovë-Slloveni”.
“Urime znj. Musar për fitoren tuaj sonte dhe duke u bërë presidentja e parë grua e Sllovenisë. Ndërsa merrni këtë rol të rëndësishëm, mezi pres të punoj ngushtë me ju për të ndërtuar partneritetin e palëkundur Kosovë-Slloveni, të bazuar në vlerat tona të përbashkëta demokratike”, ka shkruar Osmani në Twitter.
Congratulations @nmusar on your victory tonight & becoming Slovenia's first woman president.
As you take on this important role, I look forward to working closely with you to build on the unwavering Kosovo-Slovenia partnership, founded on our shared democratic values. 🇽🇰🇸🇮
— Vjosa Osmani (@VjosaOsmaniPRKS) November 13, 2022
Edhe kryeministri i Kosovës, Albin Kurti, e uroi fituesen, duke thënë se “mezi pres të punojmë së bashku për të forcuar marrëdhëniet tona dypalëshe”.
“Urime për Musar, gruaja e parë që zgjidhet Presidente e Republikës së Sllovenisë. Mezi pres të punojmë së bashku për të forcuar marrëdhëniet tona dypalëshe, për të thelluar bashkëpunimin tonë ekonomik dhe për të promovuar vlerat tona të përbashkëta si shtete demokratike të përkushtuara ndaj sundimit të ligjit”, shkruan Kurti.
Congratulations to @nmusar, the first woman to be elected President of the Republic of Slovenia. I look forward to working together to strengthen our bilateral relations, deepen our economic cooperation & promote our common values as democratic states committed to rule of law.
— Albin Kurti (@albinkurti) November 13, 2022
Natasha Pirc Musar do ta marrë zyrtarisht mandatin e saj më 22 dhjetor.
Ky mandat do të zgjasë për pesë vjetët e ardhshme.