Ndizen qirinj për viktimat e gjenocidit në Kosovë

Në Ditën e Përkujtimit të Gjenocidit ndaj Shqiptarëve në Kosovë, Qendra “Gjenocidi në Kosovë Plagë e Hapur”, ka njoftuar se duke filluar nga ora 19:30, do të ndizen qirinj në sheshin “Skënderbeu” në Prishtinë. Në përkujtimin e civilëve të vrarë, qirinj do të ndizen edhe në Gjakovë, Prizren, Ferizaj, Skenderaj dhe Vushtrri

Ilustrim

Për shkak të ndikimit që pati Masakra e Reçakut në botë, Kuvendi i Kosovës ka shpallur 15 janarin si Ditë të Përkujtimit të Gjenocidit ndaj Shqiptarëve në Kosovë.

Këtë të diel, në Ditën e Përkujtimit të Gjenocidit ndaj Shqiptarëve në Kosovë, përkujtohen 45 civilët e vrarë 24 vjet më parë në fshatin Reçak, viktimat e masakrave në Prekaz, në Likoshan, në Qirez, në Abri, në Poklek, në Podujevë, në Suharekë, në Krushë të Madhe, në Krushë të Vogël, në Celinë e në Mejë dhe qindra masakra që ndodhën para dhe pas 15 janarit 1999.

Qendra “Gjenocidi në Kosovë Plagë e Hapur”, ka njoftuar se të dielën e 15 janarit, duke filluar nga ora 19:30, do të ndizen qirinj në sheshin “Skënderbeu” në Prishtinë.

Derisa qytetarët e Prishtinës janë të ftuar t’i bashkëngjiten këtij aktiviteti në nderim të viktimave të gjenocidit në Kosovë, të tilla tubime përkujtimore do të ketë dhe në qytete të tjera.

Qytetet kryesore ku do të ndizen qirinj të dielën më 15 janar nga ora 19:30, përveç Prishtinës, janë edhe Gjakova, Prizreni, Ferizajt, Skenderajt dhe Vushtrria.

Në Prishtinë do të ndizen qirinj në sheshin “Skënderbeu” para Teatrit Kombëtar të Kosovës në Prishtinë, kurse në Gjakovë do të ndizen para lapidarit “Shokët e Lirisë”.

Ndërsa, në Prizren ndezja e qirinjve do të organizohet në sheshin “Shatërvan”, në Ferizaj do të organizohet në sheshin para ndërtesës së Komunës në Ferizaj, në Skenderaj do të organizohet në sheshin “Adem Jashari”, ndërkaq në Vushtrri do të organizohet te shkallët e Shtëpisë së kulturës “Hasan Prishtina”.

Tubime përkujtimore janë organizuar edhe në Evropë, duke përfshirë Zvicrën, Danimarkën dhe Spanjën. Ndërsa qytetarët që nuk mund të dalin në sheshe, janë ftuar që të ndezin qirinj në dritare dhe ballkonet e tyre, kp.

Shija e redaktorit

Lansohet platforma e-Komuna, Kurti: Drejt një qeverisjeje digjitale me fokus...

Ministria e Administrimit të Pushtetit Lokal ka organizuar të premten ceremoninë e lansimit të shërbimeve të e-Komuna, e cila është pjesë e platformës shtetërore...

ASK: Në Kosovë s’ka rënie të madhe të numrit të...

Procesi i regjistrimit të popullsisë në Kosovë përfundon këtë të premte, pas fillimit të tij më 5 prill, rezultatet preliminare të të cilit pritet...

Osmani bisedon me homologun gjerman, diskuton rëndësinë e anëtarësimit të...

Presidentja e Kosovës, Vjosa Osmani, të martën mbrëma ka zhvilluar një bisedë telefonike me homologun gjerman, Frank-Walter Steinmeier. Në një postim në rrjetin social "X",...

Të fundit nga rubrika