Gjatë periudhës kur po mbahet Konferenca e Sigurisë në Mynih të Gjermanisë, presidentja e vendit, Vjosa Osmani, është takuar me admiralin Stuart B. Munsch, komandant i Komandës së Forcave të Përbashkëta Aleate të NATO-s në Napoli.
“Në Mynih, në kuadër të Konferencës së Sigurisë, presidentja e Kosovës, Vjosa Osmani, është takuar me Admiralin Stuart B. Munsch, komandant i Komandës së Forcave të Përbashkëta Aleate të NATO-s në Napoli”, njofton Presidenca e Kosovës.
Në njoftimin e Presidencës thuhet se presidentja Osmani ka shprehur mirënjohje për punën e NATO-s në Kosovë përgjatë këtyre 23 vjetëve në mbrojtje të sigurisë e stabilitetit.
Në këtë takim është diskutuar për zhvillimet e fundit në fushën e sigurisë, me ç’rast është potencuar rëndësia e bashkëpunimit të ngushtë në këto sfida në rajon dhe përtej.