Edhe pse takimet dypalëshe të kryeministrit të Kosovës, Albin Kurti, dhe të presidentit të Serbisë, Aleksandër Vuçiq, me zyrtarët evropianë ka kohë që kanë përfunduar, takimi i përbashkët i tyre nuk ka nisur ende.
Por sipas ekipit të RTV Dukagjini që ndodhet duke raportuar në Ohër takimi trepalësh ende nuk ka filluar.
Lexo edhe: Përfundojnë takimet dypalëshe në Ohër
Zëdhënësi i BE-së, Stano, në një konferencë për media nga Ohri ka thënë se takimi mund të zgjasë deri pasdite apo në mbrëmje.
Ai nuk ka pranuar të deklarojë se a ka filluar takimi trepalësh dhe nuk ka pranuar të diskutojë për përmbajtjen e takimeve dypalëshe.
“Nuk mund të deklaroj asgjë për takimet pasi përfaqësuesi i lartë, Josep Borrell, në fund të ditës do të deklarohet por pa pyetje të gazetarëve. Nuk e di kohën dhe nuk e di se sa do të zgjasë takimi, dialogu në takime nuk dihet se sa mund të zgjasë – deri në mbrëmje ose dikur vonë pasdite. Nuk do të them asgjë për përmbajtjen dhe njësoj veprojmë edhe në Bruksel. Nuk diskutojmë për atë që është duke u diskutuar në takim”, ka thënë Stano.
Stano jep detajet teknike: Pas takimit, Borrell do të deklarohet por pa pyetje nga gazetarët