Qyteti i Vlorës është kthyer tashmë në një destinacion për sportet e ajrit.
Ditën e enjte ka nisur edicioni i 23-të i “Albanian Open”, në të cilin do të marrin pjesë, gjithsej, 14 shtete nga e gjithë bota, me 89 pilotë. Fluturimet kanë nisur dhe të pranishmit kanë pasur mundësi që të informohen për disa nga përjetimet pas përfundimit të garës.
“Nga Shqipëria, vendet e rajonit, fqinjët e afërt, por deri edhe nga Kolumbia e largët janë regjistruar për të marrë pjesë në këtë edicion. Mes parashutistëve ka edhe kampionë bote, që i bashkon liria dhe emocioni që përcjell ky sport,”
“Jemi nga Kosova, nuk ndihem shumë mirë sepse është një rezultat 0 me 0” u shpreh një parashutist.
Gara ndërkombëtare e aeronautikës “Albania open 2022”, do të zhvillohet për tri ditë, ndërsa fituesit e këtij aktiviteti do të shpallen të shtunën mbrëma.
Aeronautika Shqiptare është krijuar në vitin 1994 dhe që nga ajo kohë ka qenë promotori dhe organizatori kryesor i aktiviteteve të sporteve të ajrit në Shqipëri, raporton Euronews Albania.