Kryeministri izraelit, Benjamin Netanyahu, pas takimit me sekretarin amerikan të Shtetit, Antony Blinken, ka thënë se është “betuar” ta eleminojnë Hamasin.
Këtë ia kishte thënë sekretarit Blinken.
“Unë i thashë: Ne jemi betuar, jam betuar ta eliminojmë Hamasin. Asgjë nuk do të na ndalojë”, ka thënë Netanyahu.
Netanyahu është shprehur se i ka thënë Blinken-it që Izraeli do të vazhdojë luftën derisa t’i arrijë “tre qëllimet”, të cilat ai thotë se janë “Lirimi i të gjithë pengjeve, eliminimi i plotë i Hamasit dhe sigurimi që asnjë kërcënim si ky nuk do të vijë më kurrë nga Gaza”, raporton BBC, përcjellë Dukagjini.
Kryeministri izraelit ka përmendur sulmin vdekjeprurës në Jerusalem këtë mëngjes – për të cilin, Hamasi pretendoi se ishte kryer nga anëtarët e tij. Për këtë, Netanyahu ka shtuar se ishte “i njëjti Hamas që po përpiqet të na vrasë kudo”.