Inspektorati i Komunës së Prishtinës, të martën, ka nisur një aksion për largimin e shitësve ilegalë afër Stacionit të Trenit në kryeqytet.
I pranishëm në këtë aksion ishte kryetari i Prishtinës, Përparim Rama, i cili ka thënë se kjo hapësirë, e cila ka qenë e uzurpuar për më shumë se dy dekada, po lirohet tani.
Sipas kryetarit Rama, në këtë hapësirë do të ndërtohet një park, që do të shfrytëzohet nga qytetarët.
Po ashtu, ai ka thënë se si komunë i kanë shpallur luftë ilegalitetit, raporton KP.
Ndërsa, drejtori i Inspektoratit në Prishtinë, Florian Dushi, ka thënë se tashmë kjo hapësirë po lirohet.
Dushi ka thënë se për një pjesë të objekteve që ndodhen afër, do të shikojnë mundësitë, pasi janë në pronësi të hekurudhës së Kosovës.