Tashmë ka nisur shpërndarja e teksteve shkollore për nxënësit shqiptarë në diasporë.
Kështu ka njoftuar ministri i Jashtëm i Shqipërisë, Igli Hasani, duke theksuar se rreth 5 mijë tekste të unifikuara fizike dhe digjitale të “Gjuha shqipe dhe kultura shqipe” niveli I dhe II, janë dërguar në përfaqësitë diplomatike të Republikës së Shqipërisë.
Pra, siç ka thënë ai, të mundësohet mësimi i gjuhës shqipe, në bazë të marrëveshjes së nënshkruar mes Shqipërisë dhe Kosovës.
Sipas tij, Ministria për Evropën dhe punët e Jashtme është e angazhuar që shumë shpejt, të përfundojë procesi i unifikimit të teksteve të përbashkëta, për “Gjuha shqipe dhe kultura shqipe” niveli III.
Ndërsa, ai ka thënë se tekstet e tjera plotësuese për mësimin e gjuhës shqipe, mund lexohen dhe shkarkohen falas në faqen zyrtare.