Nisin punimet në Kuvendin Kombëtar të PD-së

Zyrtarisht ka nisur punën Kuvendi Kombëtar për zgjedhjen e anëtarëve të Këshillit Kombëtar dhe shtyrjen e mandatit të Komisionit të Rithemelimit. Sali Berisha e ka quajtur këtë ditë si "ditëlindja e dytë" e PD-së

Kuvendi i PD-së, foto Top Chanel

Ka nisur punimet Kuvendi Kombëtar i Komisionit të Rithemelimit të Partisë Demokratike. Kuvendi nisi punët pas ardhjes së Sali Berishës në hapësirat e Pallatit të Kongreseve.

Berisha, i cili falënderoi të gjithë anëtarët e PD-së, ishte i shoqëruar nga bashkëshortja e tij.

Ai tha se kjo është ditëlindja e dytë e Partisë Demokratike.

“Së pari, një përshëndetje të përzemërt të gjithë delegatëve të ftuarve në këtë sallë. Mbi 40 e ca mijë anëtarëve që morën pjesë, përshëndetje më të përzemërta. Zgjedhësve shqiptarë, simpatizantë të PD, kjo është ditë e një rëndësie të madhe. Ditëlindja e dytë e PD-së, në konstituimin e forumit të saj si opozitë e vërtetë”, ka deklaruar Berisha.

Salih Berisha, foto Top Chanel

Më herët se Berisha, kishte arritur ish-kryeparlamentarja e Kuvendit të Shqipërisë, Jozefina Topalli.

Në një prononcim për mediat Topalli e ka konsideruar mbledhjen e kuvendit të PD-së, një ditë kthese për opozitën.

Komisioni i Rithemelimit ka nisur punimet e Kuvendit Kombëtar të Partisë Demokratike në Pallatin e Kongreseve, ku pjesëmarrës janë 1800 delegatë të cilët do të zgjedhin Këshillin e ri Kombëtar.

Teksa rreth 35 deputetë të PD kanë braktisur Kuvendin e Rithemelimit, disa janë bashkuar për herë të parë me “Rithemelimin”.

Në fotot brenda sallës, të pranishëm janë figurat e vjetra të rikthyera, si, Topalli e Imami, të cilët pranuan ftesën e Sali Berishës për rikthim në PD, raporton Top Channel.

Të pranishëm janë edhe deputeti Kasem Mahmutaj dhe Ina Zhupa, të cilët i janë bashkuar për herë të parë Kuvendit të Berishës.

Ky i fundit, është ulur mes dy zonjave në sallë, bashkëshortes së tij dhe Albana Vokshit.

Shija e redaktorit

Presidentja Osmani nderohet me Çmimin e Evropës nga Fondacioni Pan-Europian

Fondacioni Fondacioni Pan-Evropian Richard Coudenhove-Kalergi i ka ndarë Presidentes së Kosovës Vjosa Osmani, çmimin e ‘Evropës’, për përkushtimin e saj ndaj raporteve me partnerët...

Nis ceremonia e diplomimit të gjeneratës së 59-të të Policisë...

Ka filluar ceremonia e diplomimit të gjeneratës së 59-të të Policisë së Kosovës. Sot diplomojnë 445 kadetë të Policisë së Kosovës. Kryeministri i Republikës së Kosovës,...

Policia konfirmon arrestimin e Akil Gjakovës

Policia e Kosovës, ka arrestuar xhudistin Akil Gjakova, si të dyshuar për veprën penale dhunë në familje. Lajmin për Portalin Dukagjini e ka konfirmuar zëdhënësi...

Të fundit nga rubrika