Një person ka vdekur dhe një tjetër ka mbetur i lënduar si pasojë e një aksidenti trafiku të ndodhur të dielën në fshatin Skivjan të Gjakovës.
Lajmin e ka konfirmuar për Dukagjinin, zëdhënësi i Policisë, Sheremet Elezaj, i cili ka bërë të ditur se viktima ka vdekur gjatë trajtimit në Qendrën Klinike Universitare të Kosovës (QKUK).
Siç ka thënë ai, aksidenti ka ndodhur rreth orës 23:00.
Ndërsa, në aksident kanë qenë të përfshira janë dy automjete.
“Mbrëmë rreth orës 23:00 kemi pranuar informatë për aksident trafiku në fshatin Skivjan-Gjakovë. Policia ka dalë në vendin e ngjarjes ku të përfshirë në aksident kanë qenë dy automjete udhëtarësh. Për pasojë lëndime trupore kanë pësuar dy persona të cilët janë dërguar në QKUK për trajtim mjekësor. Më vonë jemi njoftuar se njëri prej tyre ka ndërruar jetë”, ka thënë Elezaj për Dukagjinin.
Lidhur me rastin, Elezaj ka thënë se është njoftuar prokurori i shtetit, dhe se rasti është duke u trajtuar nga Njësia Rajonale e Komunikacionit Rrugor.