Është shënuar njëvjetori i aksidentit tragjik në autostradën A3 Zagreb – Lipovac, në Kroaci si pasojë e të cilit humbën jetën 10 persona.
Autobusi me targa të Kosovës, i nisur nga Frankfurti drejt Prishtinës, kishte 67 pasagjerë, përfshirë fëmijë.
9 pasagjerë dhe njëri nga shoferët humbën jetën. Ndërkaq, u raportua për 45 të lënduar.
Të mbijetuarit ishin vizituar në ambientet e spitalit nga Kryeministri i Kosovës, Albin Kurti, bashkë me disa prej ministrave.
Njëherësh, ambasadori i Kosovës në Zagreb, Gëzim Kasapolli ka qenë paraprakisht në spitalin rajonal në Slavonski Brod.
25 korriku i vitit të kaluar ishte shpallur ditë zie nga Presidentja e Kosovës, Vjosa Osmani.
Ky ishte aksidenti më i madh tragjik në rrugët e Kroacisë në 15 vjetët e fundit.