Gjatë qëndrimit në Shtetet e Bashkuara të Amerikës, presidentja e Kosovës, Vjosa Osmani, ka takuar këshilltarin Special në Departamentin Amerikan të Shtetit, Derek Chollet.
Ky i fundit, ka njoftuar për takimin në rrjetin social Twitter, ku ka shkruar se SHBA-ja është e përkushtuar për sovranitetin dhe integritetin territorial të Kosovës.
”U takuam sot me Presidenten e Kosovës, Vjosa Osmani dhe diskutuam për partneritetin tonë të qëndrueshëm, dhe zotimin e fuqishëm të SHBA-së për sovranitetin dhe integritetin territorial të Kosovës, rrugën e saj drejt integrimit euroatlantik, mbështetjen e Kosovës për refugjatët afganë dhe Samitin për Demokraci”, ka shkruar Chollet.
Met with Kosovo President Vjosa Osmani today and discussed our enduring partnership and the rock-solid U.S. commitment to Kosovo’s sovereignty and territorial integrity, its path to Euro-Atlantic integration, Kosovo’s support for Afghans and Ukraine, and #SummitforDemocracy
— Derek Chollet (@CounselorDOS) April 30, 2022
Të njëjtën deklaratë, ai e ka bërë edhe në takimin që e ka zhvilluar me kryeministrin Albin Kurti në SHBA.
”Më vjen mirë të shoh kryeministrin e Kosovës Kurti për të diskutuar prioritetet e përbashkëta, duke përfshirë përparimin në dialogun Kosovë-Serbi, çelësi për të ardhmen evropiane të Kosovës. E falënderojë atë, për pritjen e afganëve dhe ritheksoj përkushtimin e vendosur të SHBA-së, për sovranitetin dhe integritetin territorial të Kosovës”, ka shkruar Chollet në Twitter.
Për këtë takim, ka njoftuar edhe kryeministri Albin Kurti, duke thënë se presin të bashkëpunojnë edhe më tutje me SHBA-në.
Kurti po qëndron në SHBA së bashku me presidenten, Vjosa Osmani, të cilët ishin pjesë e funeralit të ish-Sekretares së shtetit, Madeleine Albright.
Ai kishte thënë se gjatë qëndrimit në SHBA, do të takohet me përfaqësues të lartë të shtetit dhe se do të jetë një vizitë e gjatë.
Kurti pritet në takim nga Këshilltari i Departamentit Amerikan të Shtetit, Derek Chollet