Presidentja e Kosovës, Vjosa Osmani, ka përkujtuar 32 martirët e Nabërgjanit të Pejës, të cilët u masakruan nga forcat e regjimit gjenocidal të Serbisë.
Në një komunikatë për media nga Presidenca thuhet se Nabërgjani i ripërtrirë është në pritje të drejtësisë.
“25 vjet më parë, forcat e regjimit gjenocidal të Serbisë masakruan 32 civilë të Nabërgjanit të Pejës, me synimin e tyre për shfarosjen e shqiptarëve. Nuk ia arritën këtij synimi shovinist, ndaj Nabërgjani i ripërtrirë është në pritje të drejtësisë”, thuhet në njoftim.
Ajo thekson se e vërteta dhe drejtësia “janë obligim i yni kundrejt viktimave dhe familjeve të tyre”.
“Qoftë i përhershëm kujtimi për të gjithë të rënët për liri!”, vijon njoftimi.