Osmani në Slloveni: Diplomacia parlamentare – gjithmonë në shërbim të përafrimit të dy vendeve

Gjatë takimit me zëvendëskryetarin e Parlamentit të Sllovenisë, Danijel Krivec dhe nënkryetarin e Këshillit Kombëtar të Sllovenisë, Matjaz Svagan, Osmani ka potencuar rëndësinë e anëtarësimit të Kosovës në organizata ndërkombëtare si dhe përkrahjen e nevojshme nga Sllovenia në këtë drejtim

Presidentja e Kosovës, Vjosa Osmani, në kuadër të vizitës zyrtare në Slloveni

Presidentja e Kosovës, Vjosa Osmani, në kuadër të vizitës zyrtare në Slloveni, ka zhvilluar takime me zëvendëskryetarin e Parlamentit të Sllovenisë, Danijel Krivec dhe nënkryetarin e Këshillit Kombëtar të Sllovenisë, Matjaz Svagan.

Me anë të një postimi në llogarinë e saj në Facebook, Osmani ka theksuar se diplomacia parlamentare është gjithmonë në shërbim të përafrimit të dy vendeve.

“Diplomacia parlamentare është gjithmonë në shërbim të përafrimit të dy vendeve dhe thellimit të bashkëpunimit strategjik në mes tyre”, ka shkruar Osmani.

“Pata kënaqësinë të pritem në të dy Dhomat e parlamentit slloven, nga zëvendëskryetari i Parlamentit të Sllovenisë, Danijel Krivec dhe nënkryetari i Këshillit Kombëtar të Sllovenisë, Matjaz Svagan, me të cilët konfirmuam marrëdhëniet e shkëlqyeshme të Kosovës me Slloveninë dhe zotimin për thellimin e mëtejshëm të tyre”, shtoi ajo.

Presidentja e Kosovës, Vjosa Osmani, gjatë vizitës zyrtare në Slloveni

Gjatë këtij takimi, Osmani ka potencuar rëndësinë e anëtarësimit të Kosovës në organizata ndërkombëtare si dhe përkrahjen e nevojshme nga Sllovenia në këtë drejtim.

Osmani, teksa është shprehur mirënjohëse ndaj Sllovenisë për përkrahjen ndaj Kosovës lidhur me liberalizimin e vizave dhe anëtarësimin e Kosovës në Këshillin e Evropës, ka theksuar se të dy vendet ndajnë të njëjtin vizion për paqe e prosperitet në rajon bazuar në vlerat euroatlantike.

Me anë të një postimi në llogarinë e saj në Facebook, Osmani ka potencuar se raportet ndërshtetërore me Slloveninë do të thellohen dhe do të intesifikohen vazhdimisht në të ardhmen.

“Kosova dhe Sllovenia ndajnë të njëjtin vizion për paqe e prosperitet në rajon bazuar në vlerat euro-atlantike. Anëtarësimi në BE dhe NATO janë garanca kryesore për paqe në rajonin tonë. Mirënjohës pafund për mbështetjen e Sllovenisë për të ardhmen tonë evropiane, përfshirë për përkrahjen për liberalizimin e vizave si dhe për anëtarësimin e Kosovës në Këshillin e Evropës”, ka shkruar Osmani.

Presidentja e vendit, ka thënë se Sllovenia nuk është vetëm shtet mik i Kosovës, por edhe partner strategjik e aleat i përhershëm në rajon.

Lidhur me takimin e së hënës me homolgun e saj slloven, Borut Pahor, në Lubljanë, Osmani ka thënë se kjo vizitë dëshmon se vullneti dhe gatishmëria në këtë drejtim është e dyanshme.

Osmani: Kosova dhe Sllovenia ndajnë të njëjtin vizion për paqe e prosperitet në rajon

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika