Presidentja e Republikës së Kosovës, Vjosa Osmani-Sadriu, ka udhëtuar drejt Moldavisë me rastin e samitit të dytë të Komunitetit Politik Evropian (EPC).
Siç njofton Zyra e Presidentes, Osmani do t’u bashkohet 46 krerëve të tjerë të shteteve të kontinentit evropian gjersa pritet që të zhvillojë takime me liderë.
“Me ftesë të organizatorëve të Komunitetit Politik Evropian, Presidentja e Republikës së Kosovës, Vjosa Osmani, ka udhëtuar për në Kishinau të Republikës së Moldavisë ku do ta përfaqësojë Republikën e Kosovës në samitin e dytë të Komunitetit Politik Evropian (EPC). Presidentja Osmani do t’i bashkohet 46 krerëve të tjerë të shteteve të kontinentit evropian si dhe krerëve të institucioneve të BE-së, me qëllim të nxitjes së dialogut politik dhe forcimit të bashkëpunimit për t’i adresuar çështjet më urgjente të sigurisë dhe stabilitetit në Evropë. Krahas pjesëmarrjes në sesionet kryesore të Komunitetit Politik Evropian, Presidentja Osmani do të zhvillojë edhe takime me liderë të tjerë evropianë”, thuhet në komunikatë.
Osmani pritet të përçojë mesazhin e përkushtimit të palëkundur të popullit dhe të institucioneve të Republikës së Kosovës për integrimin euroatlantik të Kosovës. Ndërkaq, e njëjta do ta përçojë mesazhin e përkushtimit të palëkundur të popullit dhe të institucioneve të Republikës së Kosovës për integrimin euroatlantik të Kosovës si garanci për paqe të qëndrueshme në rajon dhe më gjerë.