Presidentja e Kosovës, Vjosa Osmani, ka uruar Dritan Abazoviqit për zgjedhje në krye të Qeverisë së Malit të Zi, duke deklaruar se është e sigurt që do të forcohen forcat në partneritetin mes dy vendeve, për të punuar drejt rrugës së Bashkimit Evropian.
“Së bashku ne do të forcojmë partneritetin tonë dhe do të punojmë së bashku për një Ballkan Perëndimor paqësor, të begatë dhe të sigurt. Urime!”, ka shkruar Osmani në rrjetin e saj social, Twitter.
Congrats @DritanAbazovic on your election as Prime Minister of Montenegro.
I am certain that under your leadership, 🇲🇪 will stay firm on its EU path.
Together we’ll strengthen our partnership & jointly work for a peaceful, prosperous & secure Western Balkans.
Urime! 🇽🇰 🇲🇪 pic.twitter.com/J4S4mLZv4L
— Vjosa Osmani (@VjosaOsmaniPRKS) April 28, 2022
Osmani gjithashtu, shprehu knaqësinë duke thënë se është shumë premtuese që në krye të një vendi fqinjë të Kosovës vjen një person me të cilin Kosova ndanë rrugën e përbashkët drejt integrimeve në Bashkimin Evropian.
“Në këto kohë kur kontinenti ynë sfidohet nga autokratët dhe kur vazhdimisht sulmohen vlerat demokratike, është jashtëzakonisht premtuese të shohësh në krye të institucioneve të një vendi fqinj një mik me të cilin ndajmë rrugën e përbashkët drejt integrimit në BE”, ka shkruar Osmani në rrjetin social Facebook.
Edhe kryetari i Partisë Demokratike të Kosovës (PDK), Memli Krasniqi ka uruar zgjedhjen e Dritan Abazoviqit në krye të qeverisë. Zgjedhja e Abazoviqit sipas të parit të PDK-së është lajm i mirë për rajonin për shkak të promovimit që shqiptari iu ka bërë vlerave demokratike.
Në Cetinje të Malit të Zi, të enjten, është mbajtur seanca e Kuvendit, në të cilën Kuvendi i Malit të Zi zgjodhi Qeverinë e re, që do të drejtohet nga Dritan Abazoviq. Për zgjedhjen e Qeverisë së re votuan 45 deputetë të mazhorancës së re, ndërsa kundër ishin tre deputetë.