Ka kohë që rasti i vdekjes së dyshimtë të ish-aktivistit të LVV-së, Astrit Dehari, është duke prodhuar debate të ashpra në skenën politike të vendit.
Kësaj here në “Debat Plus”, me tone të larta janë përplasur Lirim Mehmetaj nga Albanian Post dhe anëtari i PSD-së, Frashër Krasniqi.
Mehmetaj e ka cituar kryetarin e PSD-së, i cili para disa ditësh tha se po të ishte i bindur se Astrit Dehari është vrarë, do ta kishin “kallur shtetin”.
Kjo, sipas tij, është mungesë e respektit ndaj shtetit. Sipas tij, duhet të ndahen individët nga shteti dhe institucionet.
Krasniqi, atij iu kundërpërgjigj duke i thënë se nëse do të besonte se ishte vrarë Dehari, do ta “kallte shtetin”.
Më poshtë gjeni një pjesë nga diskutimi i të dy penalistëve:
Krasniqi: Me ta vra dikënd? Me ta vra aktivistin politik?
Mehmetaj: Kush je ti me kallë Kosovën, a e di sa njerëz vdesin me kallë krejt vendin a?
Krasniqi: Nëse shteti më vranë, normalisht që ka me kallë, nuk ka përgjegjësi individuale. Kush është shteti me të vra?
Mehmetaj: Nuk të vranë shteti, kjo është mungesë totale e respektit ndaj shtetit.