Peticioni për një gjuhë shqipe të përbashkët

Peticioni i avokates Blertë Kraja dhe Institutit për zhvillimin e Gjuhës Shqipe paraqet një kërkesë për krijimin e një komisioni ndërshtetërore me ekspertë të kësaj fushe për një gjuhë shqipe të përbashkët, e për hartimin e rregullave të reja

Ilustrim

Një peticion juridik i hartuar nga Blerta Kraja dhe Instituti për Zhvillimin e Gjuhës Shqipe, paraqet kërkesën themelore për krijimin e një komisioni ndërshtetërore me ekspertë të kësaj fushe për një gjuhë shqipe të përbashkët, e për hartimin e rregullave të reja.

Peticioni është nënshkruar nga shkrimtarë dhe njohës të gjuhës shqipe nga trevat e ndryshme shqiptare, por edhe nga dashamirë të letërsisë shqipe.

Kjo kërkesë i drejtohet autoriteteve të Shqipërisë, Kosovës, Malit të Zi dhe Maqedonisë së Veriut.

“Gjejme rastin t’iu drejtohemi me këtë kërkesë per krijimin e një komisioni ndërshtetëror me ekspertë ‘Për një gjuhë shqipe të përbashkët’, kërkesë e cila asht sa e natyrshme, aq edhe e dobishme për kombin shqiptar e që shtrohet si imperativ i kohës per shkak të intensifikimit te marrëdhënieve shumëplanëshe në rajonin e Ballkanit”, thuhet në peticion.

E rreth kësaj, publicisti dhe shkrimtari Migjen Kelemendi, i cili është njëri nga iniciatorët e këtij e këtij peticioni, ka thënë se “të presësh kryeministrin, Edi Rama, që do të dalë nga bunkeri tingullor i vitit ’72”, sipas tij “është njësoj si të kishte pritur që Nexhmije Hoxha me Ramiz Alin vetë me e ba tranzicionin prej diktature në demokraci. U desht pak me ju ndihmue”.

Ai i ka ftuar të gjithë që të nënshkruajnë këtë peticion.

“Ju ftoj me i ndihmue Ramës dhe sovjetikëve të fundit barikadues, me dalë në dritën e sotme të Gjuhës Shqipe, tuj e nënshkrue këtë peticion të avokates Blertë Kraja dhe Institutit për zhvillimin e Gjuhës Shqipe”, ka shtuar Kelmendi në rrjetin social Facebook.

Shija e redaktorit

Spanja kampione e Evropës për herë të katërt

Ka mbaruar super ndeshja mes Spanjës dhe Anglisë në kuadër të finales së Kampionatit Evropian 2024. Pas një loje fantastike, Spanja ka përmbyllur ndeshjen me...

Spanja në finale, mposht Francën

Kombëtarja e Spanjës ka arritur kualifikimin në finale të Euro 2024, pasi mposhti me rezultat 2:1 kombëtaren e Francës në gjysmëfinale. Në pjesën e dytë...

Ballkani triumfon në ndeshjen e parë kualifikuese në Ligën e...

Ballkani ka fituar 2-1 ndaj Santa Coloman në 1/8 e fazës kualifikuese në Ligën e Kampionëve. Ndeshja nisi me një ritëm të qetë, por që...

Të fundit nga rubrika