Kryenegociatori serb në dialogun Kosovë – Serbi, Petar Petkoviq, ka takuar të hënën në Bruksel përfaqësuesin special të Bashkimit Evropian, Miroslav Lajçak.
Siç ka bërë të ditur Petkoviq në paltofrmën X, përgjatë takimit me Lajçak ka diskutuar për marrëveshjet e arritura deri më tani dhe për formimin e Asociacionit të Komunave me shumicë serbe.
“Sot në Bruksel u takova me përfaqësuesin Special të BE-së, Miroslav Lajçak, me të cilin kam diskutuar për të gjitha marrëveshjet e arritura deri më tani, me theks të veçantë për formimin e Asociacionit, por edhe për deeskalimin e nevojshëm”, ka shkruar Petkoviq.
Po ashtu, ai ka thënë se ekspertët si pjesë e delegacionit nga Beogradi morën pjesë në diskutimet për formimin e Asociacionit dhe hartimin e statutit, si dhe çështjen e të zhdukurve gjatë luftës në Kosovë.
“Si gjithmonë, erdhëm në Bruksel të përgatitur mirë”, ka shkruar tutje ai.
Të dielën e 10 dhjetorit, Lajçak ka paralajmëruar se në Bruksel tashmë po përgatiten për raundin e ri të bisedimeve në mes të Kosovës dhe Serbisë në nivel kryenegociatorësh.
Por, Lajçak nuk kishte dhënë datë se kur do të ndodhin takimet e ndara mes tij dhe kryenegociatorëve.
Данас сам се у Бриселу састао са специјалним представником ЕУ Мирославом Лајчаком @MiroslavLajcak са којим сам разговарао о свим до сада постигнутим споразумима са посебним акцентом на формирање ЗСО, али и прекопотребној деескалацији. 1/2 pic.twitter.com/FZiX2epCrw
— Петар Петковић (@PetkovicPetar) December 11, 2023