Tre persona janë plagosur me armë zjarri pas mesnatës të së shtunës në një lokal në Gjakovë.
Këtë e ka konfirmuar për Portalin Dukagjini, zëdhënësi i Policisë për rajonin e Gjakovës, Sheremet Elezaj.
Ai ka thënë se të plagosurit janë dërguar për trajtim mjekësor dhe se gjendja e tyre është stabile.
“Sot rreth orës 00:10 kemi pranuar informatë për të shtëna me armë zjarri në një lokal në rrugën ‘Fan Stilian Noli’ në Gjakovë, ku për pasojë tre persona kanë marrë plagë, të cilat dyshohet të jenë shkaktuar nga armë zjarri. Policia menjëherë ju ka përgjigjur rastit dhe viktimave ju është ofruar trajtim mjekësor, nga informatat e para të pranuara, gjendja e tyre shëndetësore është stabile”, ka thënë Elezaj.
Tutje Elezaj ka njoftuar se janë duke kryer procedurat e nevojshme hetimore për zbardhjen e rastit dhe kapjen e të dyshuarit.
Më tej është bërë e ditur se në konsultim me prokurorin e shtetit është iniciuar rast “vrasje në tentativë” dhe “mbajtje në pronësi , kontroll ose posedim të paautorizuar të armëve”.