Koncept-dokumenti për themelimin e Gjykatës Administrative është proceduar në Qeverinë e Republikës së Kosovës.
Kështu ka njoftuar Ministrja e Drejtësisë, Albulena Haxhiu. Sipas kësaj të fundit, me anë të këtij dokumenti do të adresohet edhe zgjidhja e kontesteve nga marrëdhënia e punës.
“Sapo proceduam në Qeveri Koncept Dokumentin për themelimin e Gjykatës Administrative, në të cilin adresohet edhe zgjidhja e kontesteve nga marrëdhënia e Punës. Themelimi i gjykatës në fjalë, përmbyllë krijimin e infrastrukturës ligjore në fushën e drejtësisë administrative, rritë dukshëm efikasitetin e zgjidhjes së lëndëve dhe lehtëson qasjen e qytetarëve në drejtësi administrative”, ka shkruar Haxhiu.
Kjo e fundit ka deklaruar se ky rast paraqet një zotim tjetër të përmbushur.