Partia Socialdemokrate ka njoftuar se do të mbajë protestë të shtunën e ardhshme, më 25 mars, në orën 14:00 në sheshin “Zahir Pajaziti”, si shenjë mospajtimi për marrëveshjen e arritur në Ohër të Maqedonisë së Veriut.
PSD ka thënë se marrëveshja e mbrëmshme për të cilën u diskutua në Ohër është e dëmshme për Kosovën.
“Kurti nuk ka mandat për këtë marrëveshje. Mashtrimi është i madh dhe i rrezikshëm për demokracinë dhe qytetarinë”, njofton PSD-ja.
“Marrëveshja e mbrëmshme është e dëmshme për Kosovën. Kurti nuk ka mandat për këtë marrëveshje. Mashtrimi është i madh dhe i rrezikshëm për demokracinë dhe qytetarinë. Prandaj të gjithë që jeni kundër marrëveshjes dhe kundër mashtrimit ju ftojmë në protestë, të shtunën në ora 14:00 në sheshin “Zahir Pajaziti”!”, thuhet në njoftimin e Partisë Socialdemokrate (PSD).