Psikologu tregon si t’i kuptojmë emocionet e fëmijëve

Psikologu i edukimit, Arian Musliu, është shprehur se kujdesi ndaj fëmijevë nga mosha 0 deri në 6 vjeç është esencial

Psikologu Arian Musliu në emisionin “Jeto” me Xheneta Asllanin, ne Radio Dukagjini.

Modelimi i karakterit të një fëmije nis prej lindjes. Kujdesi është esencial nga mosha 0 deri në 6 vjeç tek fëmijet.

Kështu deklaroi psikologu i edukimit, Arian Musliu, i cili ishte i ftuar në emisionin “Jeto” me Xheneta Asllanin, ne Radio Dukagjini.

Duke folur lidhur me temën e shprehjes së emocioneve tek fëmijët, psikologu deklaroi se duhet shumë punë nga prindërit për të kuptuar kërkesat e fëmijëve të tyre, duke kuptuar ata me anë të veprimeve, e jo vetëm deklarimeve.

Musliu deklaroi se në kohën e tashme, sjellja dhe kuptimi i fëmijëve është shumë më i mirë se në të kaluarën, duke theksuar se tanimë prindërit janë edhe më të informuar për nevojat e fëmijëve të tyre.

Psikologu nënvizoi faktin se çdo fëmijë mëson dhe formësohet më së shumti nga lindja deri në moshën 6 vjeç.

Ai shtoi se sidomos në Kosovë, shumica nga ne njohim vetëm 2 tipe të emocioneve tek fëmijët, lumturia dhe nervoza, mirëpo duhet të kuptojmë emocione më të thella nga të dyja anët, si ankthi, frustrimi, dëshpërimi e pashpresa, teksa nga ana tjetër e spektrit, shpresa, krenaria e gëzimi.

Sipas Musliut prindi në çdo lloj situate, prindi duhet të bëjë shumë pyetje, për të kuptuar se çka po e shkakton emocionin të cilin ai po e shfaqë.

Psikologu shton se cdo veprim që mund të cilësohet i keq i fëmiut duhet të dënohet, asnjëherë me dhunë fizike, mirëpo me ndalimin e të mirave të cilat mund t’i ofroni. Teksa e rëndësishme është të shpërblehet çdo veprim i mirë i tij.

Në lidhje me tantrumin, apo ndryshe sjellje agresive e fëmijëve për të arritur diçka për të cilën prindërit nuk pranojnë t’ia plotësojnë, psikologu deklaron se kjo sjellje duhet të injorohet, pasi ta arrijë qëllimin me sjelljen e vrazhdë.

Në këtë rast, kjo sjellje po ushqehet nga prindërit, dhe fëmija do të vazhdojë kështu edhe në të ardhmen.

Musliu, gjithashtu, deklaroi se një formësim shumë i rëndësishëm për çdo fëmijë bëhet në kopsht, andaj është e nevojshme përfshirja e fëmijëve në kopshte parashkollore.

 

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika