Ish-Drejtori i Përgjithshëm i Policisë së Kosovës , Rashit Qalaj, ka treguar se ai së bashku me Partinë Demokratike të Kosovës, në të cilën është anëtar, e kishin përkrahur vendimin e Qeverisë Kurti II për targat e paligjshme “KM”, por Qalaj ka thënë se ajo çfarë ka bërë Kurti me modifikimin e vendimit, ka qenë e jashtëligjshme, pasi sipas tij, nuk ka logjikë që një person të “qortohet” 21 ditë me radhë.
“E kemi përkrahur tentativën për të shtrirë ligjshmërinë, por jo me vendim të kontestuar ligjërisht. Vendimi i Qeverisë për targat është jo i zbatueshëm ligjërisht”, ka deklarua Qalaj.
Sipas tij, askund ligji për trafikun rrugore nuk shkruan se policia e Kosovës mundet 21 ditë ta “Qortojë” një njeri.
“Qortimin mund ta bësh për ndonjë kundërvajtje, nëse dikujt i është fikur drita e veturës, por jo për regjistrimi”, ka sqaruar ish-kryepolici i Kosovës Qalaj.
“Pastaj e kemi afatin dymujor për gjoba, që askund nuk shkruan se mund ta dënosh një person për ditë”, ka përfunduar ai.