Një bashkëpunim mes emisionit “Radar” me Edita Doli, në Radio Dukagjini bashkë me ushtarët e tij dhe MN Farm, ka bërë që për gjysmë ore të dhurohen të gjitha barërat për njerëzit me probleme shëndetësore që trajtohen në QKUK.
E gjithë ngjarja ka ndodhur në lidhje të drejtpërdrejt përmes RTV Dukagjini, ku qytetarët kanë pasur mundësi të marrin barnat e tyre pa pagesë në barnatoren MN Farm në hyrje të QKUK-së në Prishtinë.
Pronarja e barnatores Majlinda Nushi, u shpreh e kënaqur me punën dhe iniciativën e emisionit “Radar”, duke thënë se na duhen njerëzit vullnetmirë, derisa u shpreh e lumtur që ende ka njerëz me zemër të madhe.
Gjatë kohës sa realizohej iniciativa “Barnatorja” ishte Ajdin Hajdari, dëgjues i Radio Dukagjinit, i cili dhuroi 100 euro për këtë iniciativë e cila do të realizohet çdo jave.
Edhe qytetarët që ishin pjesë e kësaj iniciative, shumica të befasuar nga puna vullnetmirë e emisionit “Radar” u shprehën të kënaqur duke thënë se tash me shumë se kurrë na duhen njerëzit e mirë.
Iniciativa “Barnatorja” do të realizohet çdo javë përmes emisionit “Radar” në Radio Dukagjini.