Për mbylljen e shkollës turke “Mehmet Akif Ersoy” në Tiranë pas 26 vjetësh aktivitet në Shqipëri, ka shkruar kryeministri i Shqipërisë, Edi Rama.
Nëpërmjet një postimi në Twitter ai ka thënë se përdorimi i fëmijëve për të fshehur fajin karshi ligjit, prindërve dhe vetë fëmijëve tregon ndërgjegje të ulët në raport më misionin e lartë të një vatre edukimi.
“Përdorimi i fëmijëve pastaj për të fshehur fajin karshi ligjit, prindërve dhe vetë nxënësve, duke luajtur rolin e viktimës së qeverisë, kur në fakt je verifikuar jo një po dy herë në shkelje, tregon ndërgjegje të ulët në raport me misionin e lartë të një vatre edukimi”, ka shkruar Rama.
Përdorimi i fëmijëve pastaj për të fshehur fajin karshi ligjit, prindërve dhe vetë nxënësve, duke luajtur rolin e viktimës së qeverisë, kur në fakt je verifikuar jo një po dy herë në shkelje, tregon ndërgjegje të ulët në raport me misionin e lartë të një vatre edukimi.
— Edi Rama (@ediramaal) September 23, 2022
Sipas një konstatimi të Ministrisë së Arsimit dhe Sportit, kjo shkollë ka filluar procesin mësimor 2022-2023 në vendodhje dhe mjedise të tjera të pamiratura nga kjo ministri.
Për këtë, Rama ka komentuar duke theksuar se “Të shesësh godinën ku ke lejen e aktivitetit shkollor dhe të hapësh aktivitetin diku tjetër, pa marrë lejen sipas ligjit, pa plotësuar kriteret e pa përmbushur standartet e kërkuara ligjërisht, është një shkelje për të cilën ligji parashikon heqjen e licensës”.
Të shesësh godinën ku ke lejen e aktivitetit shkollor dhe të hapësh aktivitetin diku tjetër, pa marrë lejen sipas ligjit, pa plotësuar kriteret e pa përmbushur standartet e kërkuara ligjërisht, është një shkelje për të cilën ligji parashikon heqjen e liçencës.
— Edi Rama (@ediramaal) September 23, 2022
Ndërsa, ai ka reaguar edhe ndaj lajmeve në disa mediume që sipas Ramës e kanë “bombarduar publikun me lajme të rrreme e me teori konspiracioni”.
Pas çdo vendimi kërkohet një qëllim tjetër nga i vërteti dhe bombardohet publiku me lajme të rreme e me teori konspiracioni! S’ka asgjë të tillë dhe asnjë qëllim tjetër përveç zbatimit të barabartë të ligjit në rastin e heqjes së një liçence shkolle si plot të tjera më parë.
— Edi Rama (@ediramaal) September 23, 2022
Ai potencoi se ky vendim i Qeverisë shqiptare nuk ka “asnjë qëllim tjetër përveç zbatimit të barabartë të ligjit në rastin e heqjes së një license shkolle si plot të tjera më parë”.