Rekordi i ri i shpyllëzimit të pyjeve tropikale të Amazonës

Pjesa e pyjeve tropikale të Amazonës e ndikuar nga shpyllëzimi në tre muajt e parë të 2022 ishte më e larta e regjistruar ndonjëherë, sipas një raporti të ri nga Instituti Kombëtar i Brazilit për Kërkimet Hapësinore (INPE), raporton “CNN“.

Sipas raportit të INPE, të publikuar të premten, 941 mijë e 34 kilometra katrorë (363 milje katrorë) pyje u pastruan midis janarit dhe marsit të këtij viti. Kjo është sasia më e madhe e regjistruar që kur instituti filloi të monitoronte shkallët e shpyllëzimit në vitin 2016.

Zona e pastruar është pothuajse sa madhësia e Dallasit, Teksas.
Studiuesit vunë re një rritje prej 64% nga e njëjta periudhë kohore e vitit të kaluar, kur u pastruan 573 mijë e 29 kilometra katrorë (221 milje katrore).

Shkatërrimi i pyllit më të madh në botë, është rritur që kur Presidenti Jair Bolsonaro mori detyrën në 2019 dhe dobësoi mbrojtjen mjedisore, duke argumentuar se ato pengojnë zhvillimin ekonomik që mund të zvogëlojë varfërinë në rajonin e Amazonës.
Zyra e presidentit dhe Ministria e Mjedisit nuk iu përgjigjën menjëherë kërkesave për koment.


Një raport i panelit klimatik të OKB-së të hënën paralajmëroi se qeveritë nuk po bëjnë mjaftueshëm për të frenuar emetimet e gazeve serrë në mënyrë që të shmangin efektet më të këqija të ngrohjes globale. Përderisa përdorimi i karburanteve fosile është më së shumti fajtor, shpyllëzimi përbën rreth 10% të emetimeve globale, sipas raportit.

Brazili është një shembull i asaj që thotë raporti i OKB-së për klimën kur i referohet qeverive që nuk ndërmarrin veprimet e nevojshme, tha Cristiane Mazzetti, një aktiviste e pyjeve në Brazil për grupin e mbrojtjes mjedisore Greenpeace.

“Ne kemi një qeveri që shkon qëllimisht kundër hapave të nevojshëm për të kufizuar ndryshimet klimatike.”

Disa shkencëtarë parashikojnë se shpyllëzimi do të vazhdojë të rritet përpara zgjedhjeve presidenciale të tetorit në Brazil, siç ka ndodhur përpara tre zgjedhjeve të fundit.
Zbatimi i mjedisit zakonisht dobësohet në vitet e zgjedhjeve dhe kriminelët mund të nxitojnë për të shpyllëzuar përpara se një qeveri e re të marrë detyrën, sipas Carlos Souza Jr, një studiues në Imazon, një institucion kërkimor brazilian.


Të enjten, kompania amë e Facebook, Meta, njoftoi se kishte hequr 14 llogari në Facebook dhe nëntë faqe, 39 llogari në Instagram për postimin e informacionit të rremë në lidhje me shpyllëzimin.
“Ky rrjet e kishte origjinën në Brazil dhe synonte audiencën vendase në atë vend,” tha Meta në “Raportin e Kërcënimeve Kundërshtare” të tij të parë tremujorë.

Raporti i Metës thotë se gjeti “lidhje me individë të lidhur me ushtrinë braziliane” pas llogarive. Llogaritë ishin të përfshira në “sjellje joautentike të koordinuar”, e cila përfshinte postimin e përmbajtjes që argumentonte se jo i gjithë shpyllëzimi ishte i dëmshëm dhe që kritikonte “OJQ-të legjitime mjedisore që folën kundër shpyllëzimit në Amazon”, thuhet në raportin e Meta.

Shija e redaktorit

INTERVISTË me Marin Memën: Kemi nevojë të duam më shumë...

Cilki i dokumentarëve, 'Gjurmë Shqiptare' me autorin Marin Mema, në Top Channel Albania përfshin një audiencë të të gjitha moshave. Në 'Gjurmë Shqiptare' trajtohen tema...

Këngët për nder të gjeniut Andy Warhol

Data e 6-gushtit shënon lindjen e një pop artisti si Andrew Warhol, arti i tij i  mrekullueshëm dhe idetë revolucionare të Warhol ishin padyshim...

“Film n’park”, tradita që i rikthehet Prishtinës

Në zemrën e gjelbërt të kryeqytetit, në mesin e dritave, miqve dhe muzikës, është vendi ku “Film n’park” shënon një rikthim pas kufizimeve nga...

Më të lexuarat

Pasi u qëllua me armë, vdes ish-kryeministri japonez, Shinzo Abe

Ish-kryeministri japonez, Shinzo Abe, ka vdekur pasi është qëlluar me armë të premten, përgjatë fushatës për zgjedhjet parlamentare. Abe, 67-vjeçar, i cili njëherësh mbetet kryeministri...

Të shtëna me armë në Cetinë, më shumë se dhjetë...

Të premten e 12 gushtit në Cetinë të Malit të Zi, një 34-vjeçar ka qëlluar me armë në drejtim të disa personave dhe më...

Një person largohet nga një restorant në Pejë pa paguar...

Një person mashkull shihet duke ngrënë mengjes, dhe menjëherë pas përfundimit ai shihet duke u larguar pa komunikuar me ndonjë kamerier nga restoranti. Pamjet e...

Të fundit nga rubrika