Ministrja në detyrë e Ekonomisë, Artane Rizvanolli, ka qëndruar e heshtur lidhur me shkarkimin e Evetar Zeqirit nga posti i kryeshefit ekzekutiv i KOSTT-it, pas dyshimeve për keqpërdorime dhe shkelje të mundshme ligjore.
Zeqiri u shkarkua më 24 prill nga Bordi i Drejtorëve të KOSTT-it, vetëm një ditë pasi u diskutuan publiksht në Debat Plus dyshime për kompani energjetike me aktivitete të dyshimta që kishin bashkëpunuar me KOSTT-in dhe KEK-un.
Ekskluzive: Shkarkohet kryeshefi ekzekutiv i KOSTT-it Evetar Zeqiri
“Nuk jap deklarata në rrugë”, ka thënë shkurt Rizvanolli.
Sipas dokumenteve të dorëzuara në Prokurorinë Speciale, Zeqiri ka shkelur detyrat e tij financiare dhe ka ndërhyrë në aktivitetet e prokurimit. Gjithashtu, në dokumente thuhet se Zeqiri ka ndikuar në vendimmarrje të jashtëligjshme dhe nuk e ka informuar duhur bordin e drejtorëve, duke bërë që KOSTT të pësojë dëme financiare.