Policia e Kosovës ka njoftuar se të martën e pesë tetorit rreth orës 21:00, në lagjen Veterniku në Prishtinë, policia ka ndaluar veturën Mercedes me targa të Kosovës.
Në njoftimin e policisë thuhet se pas një kontrolli të detajuar ka arritur të gjejë dhe të sekuestrojë një revole të tipit SigSauer e kalibrit 9 mm, 55 copë fishekë të kalibrit 9 mm, tre karikatorë, si dhe një sasi të konsiderueshme të stolive që dyshohet të jenë ari.
“I dyshuari V. K, mashkull, 38 vjeç, shtetas i Republikës së Kosovës, është shoqëruar në stacionin policor dhe ndaj tij është iniciuar rasti për “Mbajtje në pronësi kontroll ose posedim të paautorizuar të armës”, dhe në konsultim me prokurorin e shtetit i njëjti është proceduar më tej”, njofton Policia e Kosovës.
Më tej, sipas njoftimit, në vendin e ngjarjes policia ka ftuar edhe zyrtarët doganorë për të trajtuar rrethanat që ndërlidhen me stolitë e dyshuara si të kontrabanduara.