Selmanaj kërkon angazhim nga MD-ja për arrestimin e ish-pjesëtarit të UÇK-së në Serbi

Deputeti i Lidhjes Demokratike të Kosovës, Driton Selmanaj, e ka quajtur të papranueshme dhe të pakuptimtë “mungesën e përgjegjësisë” së bartësve institucionalë lidhur me lirimin e ish-pjesëtarit të UÇK, Hasan Dakaj. Selmanaj ka kërkuar angazhim nga Ministria e Drejtësisë lidhur me rastin

Deputeti i LDK-së, Driton Selmanaj

Deputeti i Lidhjes Demokratike të Kosovës, Driton Selmanaj, e ka quajtur të papranueshme dhe të pakuptimtë “mungesën e përgjegjësisë” së bartësve institucionalë lidhur me lirimin e ish-pjesëtarit të Ushtrisë Çlirimtare të Kosovës (UÇK), Hasan Dakaj, i cili është arrestuar në Serbi më 5 janar.

Selmanaj ka kërkuar angazhim nga Ministria e Drejtësisë lidhur me rastin.

“Është e papranueshme dhe e pakuptimtë mungesa e përgjegjësisë së bartësve institucionalë për lirimin e Hasanit. Askush nga instancat tona nuk di gjë për fatin e tij. Institucionet shtetërore dhe lokale s’kanë treguar as kujdesin minimal për gjendjen financiare të familjes së Hasanit. Ministria e Drejtësisë duhet të angazhohet në të gjitha mundësitë e saj. Hasani meriton lirinë për të cilën luftoi. Hasani nuk guxon të harrohet nga ne”, ka thënë Selamanaj.

Sipas tij, informatat e familjarëve të Dakajt tregojnë se ai po mbahet në burgun e sigurisë së lartë në Beograd.

“Hasani më 5 janar ishte nisur drejt Italisë. Informatat e familjarëve të siguruara nga avokati dhe jo nga institucionet tona tregojnë se ai po mbahet në burgun e sigurisë së lartë në Beograd me akuzën kinse për krime të kryera gjatë kohës së luftës”, është shprehur Selmanaj.

Shija e redaktorit

Spanja në finale, mposht Francën

Kombëtarja e Spanjës ka arritur kualifikimin në finale të Euro 2024, pasi mposhti me rezultat 2:1 kombëtaren e Francës në gjysmëfinale. Në pjesën e dytë...

Ballkani triumfon në ndeshjen e parë kualifikuese në Ligën e...

Ballkani ka fituar 2-1 ndaj Santa Coloman në 1/8 e fazës kualifikuese në Ligën e Kampionëve. Ndeshja nisi me një ritëm të qetë, por që...

Blinken duartroket rolin e Osmanit për hapjen e qendrës rajonale...

Sekretari amerikan i Shtetit, Antony Blinken, ka vlerësuar rolin e presidentes së Kosovës, Vjosa Osmani, në hapjen e qendrës rajonale “Gratë, Paqja dhe Siguria”...

Të fundit nga rubrika