Njohësi i zhvillimeve politike në Ballkanin Perëndimor, Daniel Serwer, ka reaguar pas takimit të zhvilluar të hënën në mes të emisarit special të BE-së për dialogun Kosovë Serbi, Miroslav Lajçak dhe presidentit serb, Aleksandër Vuçiq, duke thënë se nuk u përfshi asnjë fjalë lidhur me sulmin e 24 shtatorit në Banjskë dhe zgjedhjet në Beograd.
Në një postim në platformën X, Serweri ka theksuar se Lajçaku nuk ka ndarë asnjë koment lidhur me sulmin e 24 shtatorit, të cilin ai e cilësoi si një akt terrorist me sponsorizim nga Beogradi.
Ai, gjithashtu, ka kritikuar mungesën e komentit të Lajçakut për zgjedhjet e 17 dhjetorit në Beograd, të cilat, sipas tij, ishin të manipuluara dhe mashtruese.
Profesori amerikan ka theksuar se mungesa e një pozicionimi të qartë nga emisari i BE-së për ngjarjet aktuale në Ballkan shqetëson, sidomos, kur bëhet fjalë për situata si ajo e 24 shtatorit dhe procesi i normalizimit të marrëdhënieve Kosovë-Serbi.
Not a word about the September 24 terrorist attack Belgrade sponsored, the fraudulent December 17 election in Belgrade, or Serbia’s increasing alignment with dictators. https://t.co/pgDqLqqUrW
— peacefare.net (@DanielSerwer) January 29, 2024
Lajçaku këtë të martë do të jetë në Kosovë, pas vizitës që kishte në Serbi.
Lajçaku në Prishtinë pritet të takohet me zëvendëskryeministrin Besnik Bislimi, njëherësh kryenegociator i Kosovës në dialogun me Serbinë.
- Vuçiqi takon Lajçakun në Beograd, kërkon anulimin e vendimit të BQK-së për dinarin
- Lajçaku diskuton me Petkoviçin për dialogun