Ish-deputeti dhe ish-eprori i Ushtrisë Çlirimtare të Kosovës (UÇK), Haxhi Shala, është transferuar në Gjykatën Speciale në Hagë.
Këtë e ka konfirmuar për Dukagjinin, avokati i tij, Xhevdet Smakiqi.
Smakiqi tha se Shalës i është ndërprerë çdo komunikim edhe me familjarët e tij.
Ai foli edhe për bastisjen në shtëpinë e Shalës, duke e cilësuar si të kundërligjshme, sepse sipas tij, bastisja është bërë pa praninë e avokatit.
Shala u ndalua dhe u dërgua në zyrat e EULEX-it të hënën.
Zyra e Prokurorit të Specializuar, me seli në Hagë, nuk ka dashur të komentojë këtë rast, por ka konfirmuar se janë duke u zhvilluar operacione në Kosovë.