Shkon në 12 numri i viktimave nga tërmeti që goditi Afganistanin dhe Pakistanin

Të paktën 13 persona kanë humbur jetën dhe qindra të tjerë janë lënduar pas një tërmeti me magnitudë 6.5 ballë që goditi zonat në Afganistan dhe Pakistan

Tërmeti me magnitudë 6.5 i bëri njerëzit të dilnin me nxitim nga shtëpitë e tyre

Të paktën 12 persona kanë humbur jetën dhe qindra të tjerë janë lënduar pas një tërmeti me magnitudë 6.5 ballë që goditi zonat në Afganistan dhe Pakistan, derisa lëkundjet u ndien deri në kryeqytetin indian Nju Delhi.

Në veriperëndim të Pakistanit, të paktën nëntë persona vdiqën dhe 44 pësuan lëndime, ka thënë të mërkurën një zyrtar qeveritar.

Spitalet në provincën veriore Khyber Pakhtunkhwa janë vënë në gjendje të jashtëzakonshme gjatë natës.

Në Afganistan, të paktën katër persona humbën jetën dhe 50 u lënduan, tha një zyrtar i Ministrisë së Shëndetësisë për agjencinë e lajmeve Reuters.

Epiqendra e tërmetit ishte 40 kilometra në juglindje të qytetit afgan Jurm, pranë kufijve me Pakistanin dhe Taxhikistanin, tha të martën Shërbimi Gjeologjik i Shteteve të Bashkuara (USGS).

Tërmeti u ndie në një zonë më shumë se 1,000 kilometra të gjerë nga rreth 285 milionë njerëz në Pakistan, Indi, Uzbekistan, Taxhikistan, Kazakistan, Kirgistan, Afganistan dhe Turkmenistan, ka thënë Qendra Sizmologjike Evropiane-Mesdhetare. 

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika