Është zhvilluar gara në mes dy kandidatëve gjysmëfinalistë në emisionin Mix për Mix, në Radio Dukagjini.
Arsim Ajeti nga Gjilani dhe Afrim Kryeziu nga Peja, kanë qenë dy gjysmëfinalistët e dytë të kuizit në kuadër të emisionit.
Kandidatët ishin në garë për të fituar pushim një javor në bregdetin shqiptar, në Shëngjin.
Pyetje interesante nga fusha të ndryshme duke filluar nga muzika, letërsia, psikologjia, matematika dhe sporti ishin vetëm disa nga tematikat e pyetjeve për të cilat garuesit janë përgjigjur.
Ndërkaq, pas një gare afërsisht për 40 minuta, me rreth 25 pyetje Afrim Kryeziu ka qëlluar pjesën më të madhe të përgjigjeve duke grumbulluar kështu 45 pikë i cili ka siguruar pjesëmarrjen në finale, kurse Arsim Ajeti ka fituar gjithsej 25 pikë dhe është u diskualifikuar nga gara.
Finalja në kuzin e emisionit Mix për Mix në Radio Dukagjini, me autor Valon Dervisholli, do të zhvillohet të premten e 5 gushtit në mes të Semedin Berishës dhe Afrim Kryeziut, duke filluar nga ora 18:00.