Të mërkurën e 14 shkurtit, në Kuvendin e Kosovës do të vazhdojë seanca plenare.
Kjo seancë, e cila pritet të fillojë nga ora 11:00, ka katër pika në rend dite.
Në këtë seancë pritet të zgjidhet komisioneri parlamentar për Forcën e Sigurisë së Kosovës dhe pritet të bëhet përzgjedhja e një kandidati për gjyqtar në Gjykatën Kushtetuese.
Rendi i ditës
- Votimi për emërimin e 3 anëtarëve vendorë të Këshillit Shtetëror të Cilësisë të Agjencisë së Kosovës për Akreditim,
- Propozimi për përzgjedhjen e një kandidati për gjyqtar në Gjykatën Kushtetuese të Republikës së Kosovës,
- Zgjedhja e Komisionerit Parlamentar për Forcën e Sigurisë së Kosovës,
- Zgjedhja e një anëtari të Këshillit Prokurorial të Kosovës nga radhët e fakulteteve juridike të Republikës se Kosovës.