Spekulime mbi ‘katastrofën mjedisore’ në lumin Oder, përgjatë kufijve të Gjermanisë dhe Polonisë

Mijëra peshq të pajetë kishin filluar të dukeshin në brigjet e lumit Oder, i cili rrjedh përgjatë kufijve të Gjermanisë dhe Polonisë. Që nga ngjarja, zyrtarët janë përpjekur vazhdimisht të përcaktojnë shkakun e vdekjes masive, por nuk kanë arritur ende të gjejnë arsyjen e ngordhjes së tyre

Ilustrim

Në Gjermani dhe Poloni, janë duke u rritur spekulimet në lidhje me “katastrofën mjedisore”, pas ngordhjes masive të peshqve në lumin Oder.

Mijëra peshq të pajetë kishin filluar të dukeshin në brigjet e lumit Oder, i cili rrjedh përgjatë kufijve të Gjermanisë dhe Polonisë, në fund të muajit korrik.

Që nga ajo ngjarje, zyrtarët janë përpjekur vazhdimisht të përcaktojnë shkakun e vdekjes masive, gjë për të cilën kanë thënë se do të duhen vite për t’u rikuperuar pasi që lumi është dëmtuar shumë.

Ndërkaq, të shtunën e 13 gushit ministri i mjedisit të Polonisë, ka potencuar që testet laboratorike në burimin e katastrofës nuk kanë zbuluar merkur.

Autoritetet besojnë se peshqit mund të jenë helmuar.

Por, kryeministri polak Mateusz Morawiecki të premten e 12 gushtit ka folur për ngjarjen, i cili ka thënë se “sasi të mëdha mbetjesh kimike” ka mundësi të jenë hedhur në lumin e dytë më të gjatë të vendit të tij.

Ai është zotuar se do të bëjë gjithçka që është e mundur për të kufizuar shkatërrimin e mjedisit, me ministrin e brendshëm të Polonisë.

Në të njëjtën kohë ka ofruar edhe një shpërblim prej 1 milion zloty (200,000 dollarë) për këdo që ka ndonjë informacion se kush ishte përgjegjës për ndotjen e lumit, raporton euronews.

Ministrja e klimës dhe mjedisit, Anna Moskwa, ka thënë se analizat e mostrave të lumenjve të marra në Poloni dhe Gjermani kanë zbuluar nivele të larta të kripës. Dhe se studimet gjithëpërfshirëse toksikologjike janë ende duke u zhvilluar në Poloni.

Ndërkaq, ministri i mjedisit në Gjermani, Axel Vogel, ka theksuar se vdekja e peshkut është “atipike”, duke vlerësuar se “ton” peshq tashmë janë zhdukur.

“Shkalla e ngordhjes së peshkut është tronditëse. Kjo është një goditje për Oderin si një rrugë ujore me vlerë të madhe ekologjike, nga e cila me sa duket nuk do të shërohet për një kohë të gjatë”, është shprehur ai.

“Por ne kemi vërejtur një rritje të nivelit të oksigjenit për disa ditë, gjë që tregon se një substancë e huaj është futur dhe ka shkaktuar të gjitha këto”, ka shtuar Vogel.

Ndryshe, Oder është konsideruar një lumë relativisht i pastër për shumë vite, duke mbajtur rreth 40 lloje peshqish.

Shija e redaktorit

Publikohen foto të rralla të “The Beatles” duke performuar në...

Imazhet janë realizuar në vitin 1961, një vit para se të publikohej kënga e tyre debutuese Love Me Do. Fotot tregojnë Sir Paul McCartney dhe...

Intervistë me Mimoza Hasani-Pllana, flet për poezitë dhe kategoritë e...

“Shtegtimi i shqipes në Evropë”, "Komunikimi ndërkulturor” dhe “Poezia e Kosovës në tri kontekste”, janë disa nga librat e fundit të autores, Mimoza Hasani-Pllana. Talentin...

Qenësia e Zarathustrës së Niçes në shqip nga Taulant Hatia

“Njeriu është diçka që duhet të mposhtet. Njeriu është një litar, i lidhur midis kafshës dhe mbinjeriut - një litar mbi një humnerë. Ajo...

Më të lexuarat

Babai i Marigona Osmanit: Në qoftë se Marigona do të...

Në Shëngjin kishin qëndruar rreth 3-4 orë, në një bisedë me Dardanin, babait të Marigona Osmanit i ishte dukur si njeri i qetë. Për...

Babai i Marigona Osmanit: Nëna e Krivaqës më thoshte kam...

Muhabi Osmani - babai i të ndjerës, Marigona Osmani, e ka përshkruar këtë të fundit si një vajzë të qetë, të urtë e të...

Nuredin Lushtakut dhe të tjerëve u caktohet masa e paraburgimit...

Ish-nënkryetarit të komunës së Skenderajt, Nuredin Lushtakut, dhe të pandehurve të tjerë, u është caktuar masa e paraburgimit prej 30 ditësh. Avokati i Nuredin Lushtakut,...

Të fundit nga rubrika