Struga fiton titullin e kampionit në Maqedoninë e Veriut

Skuadra e Strugës ka fituar derbin e Maqedonisë së Veriut në futboll e bashkë me të edhe titullin e kampionit. Të dielën në ndeshjen më të rëndësishme të kampionatit, Struga mposhti në Tetovë skuadrën e Shkëndijës me rezultatin 2:0

Derbi i madh në Superligën e Maqedonisë së Veriut i ka takuar Struga Trim Lum, pasi në Tetovë mundi Shkëndijën me rezultatin 0:2 në ndeshjen e vlefshme të xhiros së 32-të të kampionatit, duke siguruar kështu titullin e kampionit për këtë sezon.

Besart Ibraimi, ishte në super formë në këtë derbi dhe realizoi një supergol pak para fundit të pjesës së parë, duke çuar Strugën në epërsi 0:1 në pjesën e parë. Në fillim të fraksionit të dytë, Marjan Radeski ngriti epërsinë në 0:2, duke shfrytëzuar gabimin e Ditës në mbrojtje dhe realizoi me shumë klas.

Ky rezultat mbeti deri në fund të sfidës, me tetovarët që nuk arritën të ndryshojnë asgjë deri në mbyllje, raporton Telegrafi.com

Ndërkohë në ndeshjet tjera, Shkupi nuk shkoi më shumë se një barazim pa gola ndaj Brera Strumicës në Çair. Me rezultat identik u mbyllën edhe takimet Tikveshi – Voska Sport dhe Gostivari – Rabotniçki.

Në dy takimet tjera të kësaj xhiroje, Makedonija Gjorçe Petrovi mundi Bregallnicën me shifra 2:0, përderisa Sileksi me Vardarin u ndanë me barazim 1:1.

Xhiroja  e fundit e këtij sezoni në Superligën e Maqedonisë së Veriut do të luhet me 19 maj.

Shija e redaktorit

Nga sot shqiptarët udhëtojnë pa viza drejt Azerbajxhanit

Nga dita e sotme qytetarët e Shqipërisë me pasaporta të rregullta mund të udhëtojnë pa viza drejt Azerbajxhanit. Ambasadori i Azerbajxhanit në Shqipëri, Anar Huseynov...

Tre oficerë të FSK-së diplomojnë në Kolegjin CGSC të ushtrisë...

Oficerët e Forcës së Sigurisë së Kosovës(FSK), majorët Alban Bunjaku, Agron Murati dhe Alban Bujupi, pas studimeve njëvjeçare, diplomuan me sukses të lartë në...

Peja dhe Ulqini nënshkruajnë marrëveshjen e binjakëzimit si qytete

Kryetari i Pejës, Gazmend Muhaxheri ka pasur një mysafir të veçantë në zyrën e tij të shtunën. Ai priti me nderime kryetarin e Ulqinit, Genc...

Të fundit nga rubrika