Gjatë ditës, trupi i pajetë i një gruaje të moshës së mesme, e cila është paraqitur në polici nga familjarët para tre ditësh si e zhdukur, është gjetur në lumin Ibër afër fshatit Zhitkovc të Zveçanit.
Ministri i Brendshëm i Kosovës, Xhelal Sveçla, ka shprehur ngushëllime për familjen e gruas së humbur në lumin Ibër.
Ai ka falënderuar Shoqatën e Kosovës për Kërkim dhe Shpëtim, zhytësit e Klubit “Trepça”, Policinë e Kosovës, Agjencinë e Menaxhimit Emergjent dhe banorët e fshatit Zhitkovc në Komunën e Zveçanit për përpjekjet e tyre të përbashkëta për të gjetur trupin e pajetë të qytetares J. Petrovic, 49-vjeçare, e cila dyshohet se ka rënë në lumin Ibër dy ditë më parë.
Ministri Sveçla ka deklaruar se institucionet profesionale do të vazhdojnë me procedurat e mëtejshme për këtë rast.
Ai ka qenë në vendin e ngjarjes kur edhe është gjetur trupi i pajetë i 49-vjeçares.
Raportohet se ai kishte qëndruar aty rreth 20 minuta, derisa është shoqëruar nga forca të rrepta të Policisë së Kosovës.