Kryetari i Kuvendit të Kosovës, Glauk Konjufca, ka komentuar ndërprerjen e seancës plenare të sotme të Kuvendit, ku pritej votimi i projektligjit për tërheqjen e 30 për qind të mjeteve financiare të qytetarëve nga Trusti.
Në një intervistë në ATV, i pari i Kuvendit të Kosovës, e ka quajtur të gabuar idenë e tërheqjes së mjeteve financiare nga Trusti, pasi më këtë do të dëmtohej edhe skema pensionale.
“Me këtë shkatërrohet Trusti. Heqja e qindra miliona eurove të Trustit do të dëmtojë skemën, por edhe besueshmërinë e Kosovës në skenën ndërkombëtare”, ka thënë Konjufca
Gjithashtu, Konjufca tregoi se ai personalisht nuk kishte tërhequr herën e kaluar 10 për qind të mjeteve të Trustit gjatë krizës në pandeminë koronavirusit.