Të mbijetuarit dhe familjarët kërkojnë drejtësi për Reçakun

Kur ka kaluar pothuajse çerekshekulli nga masakra e Reçakut, të mbijetuarit dhe familjarët e viktimave kërkojnë drejtësi për 45 civilë shqiptarë të vrarë e masakruar nga forcat ushtarake e policore të Serbisë. Të mbijetuarit e masakrës, thonë se nuk do ta harrojnë kurrë atë ditë të ftohtë janari, për tmerrin dhe torturat që pane, e që sot jetojnë me dhimbjen dhe barrën kujtimeve

Memoriali përkujtimor i të vrarëve në Masakrën e Reçakut.

“Nuk kam fuqi.. djalin e kam të humbur në masakër edhe djalin e kunatit..(çfarë ndjenje për ju osht me u rikthy në këtë vend)..të më falësh nuk mundem me fol…..”, ka thënë Fatime Mustafa.

Djali i Fatimes, Muhameti sapo kishte mbushur 21 vjet. Ai është një ndër 45 civilët e masakruar nga forcat serbe. Aparati shtetëror nga kurseu nga më i riu deri te 99 vjeçi.

Ata pak që mbijetuan përshkruajnë tmerrin çnjerëzor që u ushtrua mbi civilët shqiptarë.

“Ngjarja ka rrjedhë kështu, atë (vëllain e vranë) ne kemi ikur në një podrum aty edhe na kanë zënë (forcat serbe) aty. Pastaj na kanë nda, burrat ndamas gratë ndamas, edhe ne kemi shpëtu çka kemi qenë aty pro ata të tjerët i kanë marrë i kanë, i kanë rrahë me dru, i kanë thënë ecni për Shqipëri ju tash”, ka thënë i mbijetuari kësaj masakre, Ismet Emini.

Emini tregon se se shpëtoi mrekullisht vetëm i plagosur, fat të cilin nuk e pati vëllai i cili nuk mbijetoi.

“Sjellje më makabër kundër njerëzimit nuk ka, atë nuk mundet me e bë askush. Atë barbarisht çka kanë bërë në trupin e tyre e tonin, unë i kam parë të gjitha. Ne për shpirtin tonë e përjetuam mirë, por unë isha i plagosur e pastaj kishim dhimbje e stres se si me i bë trupat bashkë si me i dërgu në xhami ”, ka shtuar Emini.

Në moshë të shtyrë e me barrën e kësaj ngjarje, Emini thotë se është i zhgënjyer për faktin se askush nuk u dënua për këtë krim makabër.

Nëse jo-drejtësia, për t’i nderuar e respektuar martirët, ka ardhë edhe Adem Jashari. I riu nga Maqedonia e Veriut tregon se me krenari e mbanë emrin e Kryekomandantit Legjendar, për çka është i lidhur me Kosovën.

“Shumë shpejt ne populli shqiptar, por edhe populli i Kosovës këtu e kemi harrua luftën. Nuk kanë kaluar shumë vite vetëm 20 dhe edhe në histori thuhet se nëse harrojmë, gjithçka mund të përsëritet”, ka thënë Jashari.

Ademi tregon se si të rinjtë shqiptarë që nuk jetojnë brenda Kosovës, ju mungojnë informacionet mbi luftën e fundit.

“Unë si i ri nuk kam mundur t’i gjejë askund, në asnjë libër të historisë (krimet dhe historinë e luftës në Kosovë), historianët nuk e bëjnë punën e tyre. Nuk kam pas dokumentar që flasin realisht se çfarë ka ndodhur në luftën e Kosovës. Prandaj mendoj që shteti i Kosovës duhet të ketë më shumë, të veproj më shumë në këtë drejtim dhe të dokumentoj të gjitha të vërtetat e luftës”, ka shtuar Jashari.

Shënimi i 24 vjetorit të Masakrës së Reçakut, për nga numri i të pranishmëve mund të ketë qenë më i madhi ndonjëherë. Qindra e mijëra qytetarë nga të gjitha trojet nderuan martirët e 15 janarit.

Shija e redaktorit

Trupat e FSK-së arrijnë në Adana, priten me duartrokitje nga...

Kontingjenti i parë i FSK-së në operacionin e kërkim-shpëtimit në zonat e prekura nga tërmeti në Turqi, tashmë ka arritur në Adana. Fondacioni SETA në...

Distria Krasniqi fiton medaljen e artë në garën më prestigjioze...

Xhudistja nga Kosova, Distria Krasniqi ka fituar medaljen e artë në turneun "Grand Slamin", i cili po mbahet në Paris të Francës. Distria nuk ndalon...

Albina Kelmendi dhe familja do të performojnë në natën e...

Shqipëria e cila këtë vit prezantohet nga Albina Kelmendi me familje me këngën “Duje”, do të performojnë në natën e dytë gjysmëfinale, më 11...

Më të lexuarat

‘Rikthehet’ analisti Dardan Gashi në Debat Plus me sondazh të...

Analisti Dardan Gashi, është rikthyer në emisionin Debat Plus në RTV Dukagnini, pasi kishte lëshuar debatin në mënyrë demostrative pas shfaqjes së një sondazhi...

Hapet aplikimi për shtesat për fëmijët e lindur në vitin...

Ministria e Financave, Punës dhe Transfereve ka njoftuar qytetarët se të enjten e 1 shtatorit është hapur aplikimi edhe për fëmijët e lindur nga...

Pajisje të rënda të KFOR-it shihen duke lëvizur në drejtim...

Në një video të siguruar nga RTV Dukagjini janë parë pajisje të rënda të KFOR-it duke  duke kaluar në rrugën Vushtrri-Mitrovicë për të vazhduar...

Të fundit nga rubrika