Policia e Kosovës të hënën u ka bërë apel qytetarëve në lidhje me rrezikun e zjarreve gjatë këtyre ditëve të temperaturave të larta. Autoritetet policore kanë theksuar se zjarret shkaktojnë pasoja të rënda dhe rrezikim të përgjithshëm kudo që shfaqen.
Në këtë rast, Policia e Kosovës ka kërkuar nga qytetarët të jenë të kujdesshëm dhe të shmangin ndezjen e zjarreve në mënyrë të vetëdijshme.
Ata gjithashtu i kanë bërë thirrje qytetarëve të raportojnë ose lajmërojnë autoritetet për çdo person të dyshuar që mund të jetë i përfshirë në raste të tilla të zjarrvënies.
Për të garantuar sigurinë publike, Policia e Kosovës ka premtuar se do të ndërmarrë masa ligjore ndaj të gjithë individëve që rrezikojnë jetën dhe pronën e qytetarëve, qoftë qëllimisht apo përmes mungesës së kujdesit në ndërmarrjen e veprimeve.
“Policia e Kosovës do të ndërmarrë masa ligjore ndaj të gjithë atyre individëve që në një formë apo tjetër rrezikojnë jetën apo pronën e qytetarëve, qoftë qëllimisht apo përmes pakujdesisë së shfaqur në çfarëdo forme”, thuhet në njoftimin e Policisë.
Përveç apelit të përgjithshëm, Policia e Kosovës u ka bërë thirrje qytetarëve që t’i frekuentojnë zonat malore të rajonit të Pejës, veçanërisht Bjeshkët e Nemuna.
Ata i kanë kërkuar qytetarëve të jenë maksimalisht të kujdesshëm dhe të përmbahen çdo aktiviteti që mund të shkaktojë zjarre, si p.sh., ndezjen e shkrepsave, cigareve, grillave apo zjarreve në natyrë.