Policia e Kosovës ka bërë të ditur se ka arrestuar një burrë në “Rrugën B” në Prishtinë.
Sipas raportit 24-orësh të Policisë, i dyshuari ka tentuar të sulmojnë një qytetarë me kaçavidë ndërsa gjatë ndërhyrjes së policisë ka shfaqur rezistencë aktive, njofton Dukagjini.
Gjatë përpjekjes për ta vënë nën kontroll, ai ka sulmuar fizikisht njërin nga zyrtarët policorë, duke i shkaktuar lëndime trupore.
“Është arrestuar i dyshuari mashkull kosovar, për shkak se ka tentuar ta sulmojë një person me kaçavidë. I dyshuari ka shfaqur rezistencë aktive ndaj zyrtarëve policorë dhe gjatë intervenimit për ta vendosur nën kontroll ka sulmuar fizikisht njërin nga zyrtarët policor të cilit i ka shkaktuar lëndime trupore. Viktima ka pranuar tretman mjekësor, ndërsa i dyshuari me vendim të prokurorit është dërguar në mbajtje”, thuhet në raportin policor.