Është therur me thikë një 45-vjeçar për shkak të një mosmarrëveshje në trafik në lagjen “Bregu i Diellit”, në Komunën e Prishtinës.
Ngjarja ka ndodhur të shtunën rreth orës 17:30, ndërsa, lajmin për Dukagjinin e ka konfirmuar zëdhënësja e Policisë së Kosovës për Rajonin e Prishtinës, Flora Ahmeti, e cila ka shtuar se 45-vjeçari me inicialet G.B është dërguar për trajtim mjekësor.
“Bazuar në të dhënat fillestare, dyshohet se pas një mosmarrveshje në trafik, personi G.B, mashkull, 45 vjeç, është sulmuar me një mjet të mprehtë dhe ka pësuar lëndime trupore”, ka thënë Ahmeti.
Po ashtu, sipas saj Policia ka nisur hetimet lidhur me rrethanat e rastit, dhe se i dyshuari është vetëdorëzuar, e i njëjti është duke u intervistuar nga policia.