Në pallatin e Holyroodhouse, ka arritur trupi i Mbretëreshës Elizabeth II, ku do të qëndrojë një natë, para se të dërgohet në Wesminster Abbey në Londër, aty ku edhe do të zhvillohen homazhet zyrtare.
Arkivoli i Mbretëreshës është pritur me ceremoni zyrtare në kështjellën më të rëndësishme të Skocisë, shkruan Reuters.
Mijëra qytetarë kanë duartrokitur gjatë kalimit të autokolonës përcjellëse për madhërinë e saj.
Foto: Reuters
Mbreti i ri, Charles III, ishte i vetmi ndër fëmijët e monarkes, jo i pranishëm në pritje, duke qenë se po kryen detyrat shtetërore në Londër dhe do ta presë atje ditën e nesërme arkëmortin e Mbretëreshës.
Princesha Anne, Princi Andrew dhe ai Edward, tre fëmijët e tjerë të Elizabeth II, gjendeshin në hyrje të pallatit mbretëror, të veshur me të zeza, në nderim të nënës së tyre.
Varrimi i saj ndërkaq është vendosur të kryhet më 19 shtator, pas katër ditëve të homazheve të hapura, të cilat do të mbahen në nder të saj.
Mbretëresha e Britanisë së Madhe, Elizabeth II, monarkja më jetëgjatë në historinë britanike, ka vdekur në moshën 96-vjeçare.
Mbretëresha mbretëroi për 70 vjet, duke shërbyer si një fener stabiliteti në një kohë të trazuar. Vdekja e saj ka shkaktuar një pikëllim të madh në Britani për monarken 96-vjeçare, e cila mbretëroi për 70 vjet.
Ajo vdiq në Rezidencën Mbretërore, Balmoral, shtëpinë e saj të dashur verore në malësitë skoceze. Shumë nga katër fëmijët e saj, tetë nipërit dhe 12 stërnipërit e saj ishin në Balmoral, duke përfshirë djalin e saj Princin Charles, trashëgimtarin e fronit.
Si Mbretëresha e Mbretërisë së Bashkuar dhe 14 mbretërive të tjera, dhe krysuesja e Komonuelthit prej 54 vendesh, Elizabeth II ishte lehtësisht përfaqësuese e shtetit më të njohur në botë, gjatë një mbretërimi jashtëzakonisht të gjatë.
Dalja e saj e fundit publike ishte të martën, kur mbretëresha, duke buzëqeshur dhe duke mbajtur një shkop ecjeje, përshëndeti Liz Truss, kryeministren e re të Britanisë, në dhomën e pritjes në Balmoral.
Ajo ishte nën mbikëqyrjen mjekësore në Rezidencën Mbretërore, Balmoral në Skoci, pasi mjekët kanë qenë të shqetësuar për shëndetin e saj.
Mbretëresha Elizabeth II, monarkja më jetëgjatë e Britanisë, vdes në moshën 96-vjeçare