Ura e Kerçit nga Rusia në Krime, një simbol i urryer i pushtimit të Kremlinit të gadishullit jugor të Ukrainës, është goditur nga një shpërthim masiv në hapësirën përmes së cilës realizohet transporti i trafikut hekurudhor.
Imazhet kanë treguar vagonët e trenit që digjen dhe pjesët rrugore të shembura në urën Kerç, pas shpërthimit të dëgjuar herët të shtunën. Ato tregojnë një zjarr që përfshiu të paktën dy vagona hekurudhorë nga një tren në urë, shoqëruar nga një kolonë e madhe e tymit, transmeton “The Guardian“.
Shpërthimi, për të cilin, dëshmitarët thanë se mund të dëgjohej kilometra larg, ndodhi rreth orës 6 të mëngjesit të së shtunës, ndërsa një tren po kalonte urën, megjithëse nuk dihej menjëherë se çfarë e shkaktoi.
Very clear view of the vehicle portion of the bridge that collapsed and the railway portion on fire. pic.twitter.com/fYsLJuHRcE
— Rob Lee (@RALee85) October 8, 2022
Imazhet e mëvonshme u shfaqën gjithashtu se një pjesë e urës rrugore që shkon paralelisht me shinat e trenit ishte shembur.
Kjo urë është simbolike për Rusinë dhe një rrugë e rëndësishme logjistike furnizimi për forcat ruse në Krime dhe në Ukrainën jugore të pushtuar nga Rusia.
Shërbimi rus i lajmeve “Tass” tha se një cisternë karburanti ishte përfshirë.
“Sipas të dhënave paraprake, një makinë e karburantit hekurudhor është djegur në një nga seksionet e urës së Krimesë, harqet e anijeve nuk janë dëmtuar”, tha Oleg Kryuchkov, një këshilltar i kreut të okupimit rus të Krimesë.
Footage of allegedly the moment of the explosion on the Kerch bridge
📹https://t.co/nF9LSsruZf pic.twitter.com/gim3aovv95
— Euromaidan Press (@EuromaidanPress) October 8, 2022
Hapësira hekurudhore është pjesë e një çifti urash paralele, të cilat kalojnë ngushticën e Kerçit që lidh Krasnodarin në Rusi dhe Krimenë, e cila u ndërtua nga Rusia pas pushtimit dhe aneksimit të Krimesë në vitin 2014.
Rreth 12 milje (19 km) e gjatë, ura rrugore u hap nga presidenti rus, Vladimir Putin, në vitin 2018.