Prokuroria franceze ka njoftuar se vdekja e çiftit kosovar në Epinal të Francës, ka ardhur pasi burri e ka vrarë gruan e tij e pastaj e ka vrarë edhe veten me thikë.
“Nga autopsia u zbuluan disa plagë me thikë, duke përfshirë plaga mbrojtëse në trupin e 44-vjeçares”,ka njoftuar prokuroria franceze.
Sipas prokurorisë, kjo ngjarje ka ndodhur në sy të tetë fëmijëve që kishin çifti.
“Ngjarja ndodhi në banjën e banesës. Njëri nga fëmijët më pas theu derën dhe zbuloi trupat e pajetë të prindërve të tij”, thuhet në njoftimin e tyre.
Sipas dëshmitarëve, familja ishte shpërngulur në këtë lagje prej më pak se dy vjet. Nëna, e cila do të ishte viktimë e dhunës në familje, ishte strehuar në disa raste te një fqinj. Prokurori publik i Epinal, Frédéric Nahon, ka thënë se hetimi po vazhdon dhe se asnjë hipotezë nuk është “e privilegjuar” për momentin për rrjedhën e fakteve.
Dyshohet për vrasjen e një çifti me origjinë nga Kosova në Francë